Misjonsløp med innsamlingsrekord
For første gong har sponsorar lova å støtte det tradisjonsrike misjonsløpet med 1 million kroner.
Elevar og tilsette sette ny innsamlingsrekord under onsdagens 90 minutt lange skuleløp til inntekt for Misjonssambandet sitt arbeid i Indonesia. Den førre rekorden blei sett i 2020 då sponsorar lova å gi 970.000 kr.
Årets innsamlingsaksjon skal gi born og unge i Indonesia betre utdanning og livsvilkår og gi eit verdig liv for psykisk sjuke. Pengane skal i tillegg bidra til at kristne leiarar i Indonesia får tilbod om utdanning og kurs, og at menneske som ikkje kjenner den kristne bodskapen, får høyre evangeliet om Jesus.