2. aug 2021 kl 13:58 Gjermund Viste Del
Her finn du viktig informasjon til deg og dine foreldre/føresette.
(Vi tek atterhald om at smittevernreglane tillèt arrangement med inntil 200)
Skoleåret tek til laurdag 14. august. På grunn av korona og smittevernomsyn vert det dessverre ikkje ein stor tradisjonell opningsfest for alle nye elevar med foreldre/føresette.
Programmet vert i år slik (alle samlingar startar i møtesalen):
Kl. 13.30-15.00 Vg1HO (elevar og foreldre/føresette)
Kl. 15.00-16.30 Vg1BA/Vg1EL (elevar og foreldre/føresette)
Kl. 16.30-16.50 Infomøte for foreldre/føresette til internatelevane (elevane er ikkje med)
Kl. 17.00-18.30 Vg1ST (elevar og foreldre/føresette)
Kl. 19.00: Opningsfest på YouTube (nye elevar kan vere med live i møtesalen om dei vil).
Kl. 19.45 Internatelevane stopper igjen til ein kort info, deretter samling i fløyane.
Kl. 20.15 Grilling på tunet, med sosialt opplegg etterpå.
I dette programmet vert det tid for å treffast, klassesamlingar, foreldremøte og koronavennleg mat! Vi er klare og gler oss til eit nytt, flott Tryggheim-år!
Vg2 og Vg3 har første skoledag måndag 16. august med oppmøte i møtesalen kl. 9:00 for Vg2 og kl. 10:00 for Vg3. Vg2- og Vg3-elevane som skal bu i internatet flyttar inn søndag.
Vg1 startar i heimeromma denne måndagen kl. 08:10.
NB! Internatelevane på Vg1 kan tilpasse seg programmet over og få installert seg på romma enten før eller etter første programpost for dei forskjellige klassane.
Bøker og skolemateriell får de låne på skolen. I høve til PC/Mac har IKT sendt ut informasjon om dette på e-post (ca. 10. mai til elev og foreldre). Du som har fått tilbod om skuleplass etter det kan få ordne med PC/Mac ved oppstart i august, eller du kan fylle ut skjema under PC-ordning her.
Elevar på nokre av dei yrkesfaglege utdanningsprogramma må ha med ekstra klede og utstyr.
Hovudnummeret til skolen er 51 79 80 00 i kontortida (0800-1500).
Kontaktinfo til dei tilsette finn du her.
Etter kl. 1500 gjeld mobilnummera: 906 93 732 til tilsynstelefonen og 416 00 937 til tilsynstelefon 2.
Informasjon om betalingsplanar, depositum, faktura, prisar og anna informasjon som gjeld økonomi, finn du her.
NB! Når du betaler, skal du bruke faktura/giro som du får utdelt/tilsendt. Den er merka med KID-nummer.
I nettbanken vil du få tilbod om avtalegiro eller E-faktura.
Alle elevane bør søkje stipend og lån i Statens Lånekasse for utdanning. Alle som søkjer får minimum utstyrsstipend. Søknadane skal bekreftast av skolen. På grunn av ferieavvikling er det difor viktig at du søkjer tidleg om du ønsker pengane ved skulestart. Informasjon om korleis du søkjer finn du her.
Vi bed om tilbakemelding på vedlagde skjema dersom det er opplysningar skolen bør ha kjennskap til.
Vi har helsesjukepleiar ved skolen som elevane kan ta kontakt med.
Tryggheim er ein kristen skole. Skoledagane tek til med andakt i 1. time, - til vanleg i klasserommet. Måndagar er det fellesandakt i møtesalen. Elles er det møte og andre samvær på kveldstid. Desse er opne for alle elevane, også for heimebuarar. Vi ønsker at mange vil ta del i dei ulike fritids- og miljøtilboda på skolen, men dette er sjølvsagt frivillig.
Det er viktig for alle som skal arbeide saman på Tryggheim – elevar, lærarar og andre tilsette, at vi har klare og greie reglar for fellesskapen. Desse reglane skal hjelpe oss til å ta omsyn til andre og leggje grunnen for eit positivt og aktivt ungdomsmiljø. Gjeldande reglement for skole og internat finn de på nettsida, reglement og elevhandbok.
– gjeld dei som skal bu i internata
Internatelevane får ein del info laurdag kveld og søndag kl. 12:30 i møtesalen.
Laurdag vert det infomøte/ internatsamling for foreldre/føresette til nye internatelevar kl. 1630 i møtesalen.